Sut i Ymgeisio

Cyrsiau Amser Llawn

Ni allai fod yn haws ymuno â CCNPT. Dilynwch y camau isod a phe bai gennych unrhyw ymholiadau ynglyn â’r broses ymgeisio, cysylltwch â Derbyniadau.

1. Dewis eich Cwrs

Edrychwch yn ofalus drwy’r cyrsiau academaidd neu alwedigaethol y mae gennych ddiddordeb ynddynt. Defnyddiwch y blwch chwilio yng nghornel chwith uchaf y sgrîn i ddarganfod mwy am gwrs penodol. Os nad ydych wedi penderfynu, trafodwch gyda darlithwyr cyrsiau yn ein nosweithiau agored / gwybodaeth neu’n diwrnodau agored i’ch helpu i wneud eich penderfyniad. I gael amserau / dyddiadau ein digwyddiadau sy’n gysylltiedig â chyrsiau, ewch i’n hadran Dyddiadau Allweddol.

2. Ffurflen Gais

Unwaith y byddwch wedi dewis eich cwrs / cyrsiau, ymgeisiwch ar-lein drwy ddefnyddio’r Ffurflen Gais ar-lein. Cliciwch yma i Ymgeisio Ar-lein... neu lawrlwythwch ffurflen o’r ddolen isod a’i dychwelyd at Dderbyniadau ar gampws o’ch dewis.

Noder: nid ffurflen ymrestru mo hon.

Lawrlwytho’r Ffurflen Gais Amser Llawn (PDF)

Bydd angen i chi fod wedi gosod Darllenydd Adobe 7.0.5 neu’n uwch ar eich system er mwyn gweld y ffeil hon. Cliciwchyma i’w lawrlwytho...

3. Cyfweliad

Ar ôl i’ch ffurflen gais gael ei phrosesu, fe’ch gwahoddir i fynychu cyfweliad, naill ai yn yr ysgol neu yn y Coleg. Yn ystod y cyfweliad hwn, byddwch yn gallu trafod eich dewis gwrs ymhellach, yn ogystal â’r gofynion mynediad a’r rhagolygon gyrfa sy’n arwain o’r cwrs hwnnw.

4. Llythyr Cadarnhau

Yn dilyn y cyfweliad, anfonir llythyr atoch yn cadarnhau’r cynnig – naill ai derbyniad pendant neu amodol, gan ddibynnu ar ba un a ofynnwyd i chi gyflawni graddau arholiad penodol neu beidio. Bydd angen i chi ddychwelyd y slip derbyn, a fydd yn cyrraedd gyda’r llythyr cadarnhau, at Dderbyniadau.

5. Pecyn Gwybodaeth

Byddwch yn derbyn pecyn gwybodaeth sy’n cynnwys manylion ychwanegol am fywyd myfyriwr yng Ngholeg Castell-nedd Port Talbot ac yn rhoi dyddiadau ymrestru a’r tymhorau.

6. Canlyniadau Arholiad

Os nad ydych wedi cyflawni’r canlyniadau arholiad a ddymunwyd gennych, peidiwch â phoeni, bydd staff ar gael ar y ddau gampws yn ystod y cyfnod ymrestru i roi cyngor a chyfarwyddyd ynglyn â newidiadau posibl i’ch cwrs gwreiddiol. Os ydych wedi cyflawni’r graddau angenrheidiol, ond hoffech newid eich dewis cwrs gwreiddiol, gallwch wneud hyn hefyd yn ystod y cyfnod ymrestru.

Cyrsiau Rhan Amser

Porwch am gwrs y mae gennych ddiddordeb ynddo drwy ddefnyddio’r blwch chwilio ar ochr chwith uchaf y sgrîn neu drwy lawrlwytho ein prosbectws rhan amser. Unwaith y byddwch wedi penderfynu ar gwrs penodol, cysylltwch â Derbyniadau yn y lle cyntaf i gael manylion pellach am y broses ymrestru ac i gael ffurflen ymrestru. Bydd y dyddiadau ymrestru ar gyfer cyrsiau rhan amser ar gael yn yr adran Dyddiadau Allweddol unwaith y byddant wedi’u cadarnhau. Nodwch y gellid cynnal y broses ymrestru ar gyfer rhai cyrsiau rhan amser ar wahanol adegau o’r flwyddyn.

Gwybodaeth Bwysig:

Mae’n ofynnol i fyfyrwyr rhan amser dalu ffioedd fel yr amlinellir yn y prosbectws rhan amser cyfredol. Gall y rhain gynnwys ffioedd cofrestru / arholiad / asesu lle bo’n briodol.

Mae’n rhaid talu’r holl ffioedd adeg ymrestru.

Gall rhai myfyrwyr fod yn gymwys ar gyfer ffioedd gostyngol.

Mae’n bosibl ymgeisio am gyrsiau rhan amser yn ystod ein diwrnod agored, a gynhelir fel arfer ar y dydd Sadwrn olaf ym mis Mehefin. Gwiriwch y Dyddiadau Allweddol am amserau / dyddiadau. Ar gyfer y rheini y mae ganddynt ddiddordeb mewn cyrsiau Adeiladu, fe’ch cynghorir i ymrestru’n gynnar i osgoi siom.

Addysg Uwch Amser Llawn

Dylid cyflwyno ceisiadau am yr holl gyrsiau Addysg Uwch amser llawn drwy Wasanaeth Derbyn y Prifysgolion a’r Colegau (UCAS) gan ddefnyddio’r system ymgeisio ar-lein. Mewngofnodwch i www.ucas.com

Bydd myfyrwyr yn cael eu harwain a’u cynorthwyo drwy broses UCAS gan eu Tiwtoriaid Personol a staff Gwasanaethau Myfyrwyr. Mae’n hanfodol bod ffurflenni cais yn cael eu cyflwyno’n gynnar er mwyn cwrdd â’r dyddiadau cau a osodir gan UCAS.

Mae Gwasanaethau Dysgwyr yn cadw prosbectysau cyfredol ar gyfer sefydliadau Addysg Uwch y DU, yn ogystal ag ystod o adnoddau i’ch cynorthwyo wrth ddewis eich pwnc gradd, cwrs neu’ch opsiynau blwyddyn i ffwrdd.

Manylion UCAS

Enw’r Sefydliad: CASTELL-NEDD
Cod y Sefydliad: N13

Cwrs	Cod y Cwrs	Ffurf Fer ar Deitl y Cwrs
HND mewn Rheoli a Busnes	091N	HND/MB
HND mewn Lletygarwch a Rheoli Bwyd	062N	HND/HFM
Gradd Sylfaen mewn Rheoli Gofal	LN52	FdA/CMgt
Gradd Sylfaen mewn Ymarfer Gofal	L510	FdA/CP
Gradd Sylfaen mewn Astudiaethau Plant	L520	FdA/Child
Gradd Sylfaen mewn Rheoli Plant	L521	FdfA/CMgt
Gradd Sylfaen yn y Diwydiannau Creadigol (Cynhyrchu’r Cyfryngau)	WP93	FdA/CIMP
FY Health Sciences	B901	FYr/HSO
HND mewn Cyfrifiadura (Systemau Gwybodaeth)	004G	HND/Comp
Tystysgrif Addysg Uwch mewn Gweithio gydag Oedolion Agored i Niwed	L590	CertHE/WVA
Tystysgrif Addysg Uwch mewn Camddefnyddio Sylweddau	L591	CertHE/SM
HND in Media Production	5013P	HND/MP
Diploma Addysg Uwch mewn Hybu Iechyd	L511	DipHE/HP
loma Addysg Uwch mewn Astudiaethau Cwnsela	B940	DipHE/CS
Gradd BSc mewn Astudiaethau Gofal	L512	BSc/HS
Gradd BSc mewn Astudiaethau Plant	L522	BSc/CHS1
HND mewn Cerddoriaeth Boblogaidd	013W	HND/PM
Gradd Sylfaen mewn Hyfforddi a Pherfformiad	CX61	FdA/CoachP
HND mewn Rheoli Teithio a Thwristiaeth	008N	HND/TTM
add BSc mewn Peirianneg Systemau Gwybodaeth	G500	BSc/ISE